தேர்தல் முடிவுகள் வெளியாகிவிட்டன. அ.தி.மு.க. அபார பெரும்பான்மையுடன் ஆட்சியைப்பிடித்துள்ளது. வடிவேலுவால் விமர்சிக்கப்பட்ட விஜயகாந்தும் பெரும் வெற்றி பெற்றுள்ளார். அடுத்த எதிர்க்கட்சித் தலைவர் என்று கூறப்படும் அளவிற்கு அவரது நிலை உயர்ந்துள்ளது. இந்த நிலையில் ஏற்கனவே பகையாளிகளாக இருந்த வடிவேலுவுக்கும் விஜயகாந்துக்கும் மோதல் முற்றும் நிலை ஏற்பட்டுள்ளது. ஏற்கனவே வடிவேலுவை சினிமா உலகம் ஒதுக்க ஆரம்பித்துள்ள நிலையில், அவர் எதிர்த்துப் பிரசாரம் அ.தி.மு.க. ஆட்சிக்கு வந்திருப்பதால் வடிவேலுவின் சினிமா வாழ்க்கையே அஸ்தமித்து விட்டதாக பலரும் பேசிக் கொள்கின்றனர்.
இன்னொரு பக்கம் வடிவேலு மீது விஜயகாந்த் ரசிகர்களும் சிங்கமுத்து ரசிகர்களும் கோபமாக உள்ளார்களாம். எனவே, அவரது வீட்டுக்கு முழு பொலிஸ் பாதுகாப்பு போடப்பட்டுள்ளது. விருகம்பாக்கத்தில் உள்ள வடிவேலு வீட்டைச் சுற்றிலும் பொலிஸார் குவிக்கப்பட்டுள்ளனர். அருகில் உள்ள விஜயகாந்த் வீட்டுக்கும் பொலிஸ் காவல் பலப்படுத்தப்பட்டுள்ளது. வீண் கலாட்டாவைத் தவிர்க்க வடிவேலுவை கொஞ்ச நாள் வெளியூரில் இருக்குமாறும் பொலிஸார் அறிவுறுத்தியுள்ளதாகத் தெரிகிறது.
நன்றி: தட்ஸ்தமிழ்
No comments:
Post a Comment